పంచాయతీ ఎన్నికల్లో శాంతిభద్రతల పరిరక్షణే పోలీసులు ద్యేయం – డీఎస్పీ అభిషేక్

భారత్ డిజిటల్ న్యూస్ శ్రీకాకుళం…..పంచాయతీ ఎన్నికల్లో శాంతిభద్రతల పరిరక్షణే పోలీసులు ద్యేయం – డీఎస్పీ అభిషేక్

:- ఘంటసాల మండలంలో జెండాతో కవాతు నిర్వహించిన పోలీసులు

శ్రీకాకుళం – ఘంటసాల :-

ప్రశాంత వాతావరణంలో పంచాయతీ ఎన్నికలు జరిగేలా శాంతిభద్రతల పరిరక్షణే పోలీసుల ద్యేయమని అవనిగడ్డ డీఎస్పీ అభిషేక్ అన్నారు.

ఘంటసాల మండలం శ్రీకాకుళం, తెలుగురావుపాలెం, పాపవినాశనం, వేములపల్లి, చిట్టూర్పు, కొడాలి, మల్లంపల్లి, దేవరకోట, లంకపల్లి, ఘంటసాల గ్రామాల్లో ప్రధాన వీధుల్లో పోలీసుల కవాతు మంగళవారం నిర్వహించారు.

ఈ సందర్భంగా డీఎస్పీ అభిషేక్ మాట్లాడుతూ అశాంతి, అల్లర్లు లేకుండా ఎన్నికల్లో ప్రజలు పాల్గొని తమ ఓటును నిర్భయంగా వినియోగించుకోవాలన్నారు. ఎలాంటి అవాంచనీయ సంఘటనలు జరగకుండా పోలీసులు సిద్దంగా ఉన్నారన్నారు. శాంతి భద్రతలకు విఘాతం కల్పిస్తే కఠిన చర్యలు తప్పవని హెచ్చరించారు.

ఈ కార్యక్రమంలో చల్లపల్లి సీఐ కె.ఈశ్వరరావు, ఘంటసాల ఎస్ఐ వేమన చందన, పోలీసు సిబ్బంది పాల్గొన్నారు.