భారత్ డిజిటల్ న్యూస్ రాజమండ్రి..గొల్లపూడిలో టీడీపీ అభ్యర్థులకు ఎమ్మెల్యే వసంత కృష్ణప్రసాదు గారి అభినందనలు.
ఎంపీటీసీ ఎన్నికల్లో కూటమి అభ్యర్థుల విజయమే లక్ష్యంగా ముందుకు సాగాలి.
నామినేషన్ల దాఖలుకు బయలుదేరిన అభ్యర్థులకు నాయకుల శుభాకాంక్షలు.
ఎన్టీఆర్ జిల్లా, విజయవాడ రూరల్, 22/10/2026.
విజయవాడ రూరల్ మండల పరిషత్ ప్రాదేశిక నియోజకవర్గ సభ్యుల (ఎంపీటీసీ) స్థానిక ఎన్నికల నేపథ్యంలో గొల్లపూడిలో కూటమి బలపరిచిన తెలుగుదేశం పార్టీ అభ్యర్థులు నామినేషన్లు దాఖలు చేసేందుకు గురువారం బయలుదేరారు.
గొల్లపూడి వన్ సెంటర్‌లోని ఎన్టీఆర్ విగ్రహం వద్ద మైలవరం శాసనసభ్యులు, టీడీపీ రాష్ట్ర అధికార ప్రతినిధి వసంత వెంకట కృష్ణప్రసాదు గారు, టీడీపీ రాష్ట్ర మాజీ కార్యనిర్వాహక కార్యదర్శి బొమ్మసాని సుబ్బారావు గారు, ఇతర టీడీపీ నాయకులు అభ్యర్థులను అభినందించి శుభాకాంక్షలు తెలిపారు.
ఈ సందర్భంగా ఎమ్మెల్యే వసంత కృష్ణప్రసాదు గారు అభ్యర్థులకు తమ మద్దతును తెలియజేస్తూ, స్థానిక సంస్థల ఎన్నికల్లో ప్రజల విశ్వాసాన్ని చూరగొనేలా ముందుకు సాగాలని ఆకాంక్షించారు. ప్రజలకు అందుబాటులో ఉంటూ, వారి సమస్యల పరిష్కారానికి కృషి చేయడం, గ్రామాల అభివృద్ధికి ప్రాధాన్యతనివ్వడం ప్రజాప్రతినిధుల ప్రధాన బాధ్యత అని పేర్కొన్నారు.
కూటమి ఐక్యత, నాయకులు, కార్యకర్తల సమన్వయం, ప్రజల మద్దతుతో ఎన్నికల్లో విజయమే లక్ష్యంగా పనిచేయాలని ఆకాంక్షించారు. అభ్యర్థుల నామినేషన్ కార్యక్రమం సందర్భంగా గొల్లపూడిలో టీడీపీ శ్రేణుల్లో ఉత్సాహం నెలకొంది. ఈ కార్యక్రమంలో టీడీపీ నాయకులు, స్థానిక ప్రజాప్రతినిధులు, పార్టీ కార్యకర్తలు తదితరులు పాల్గొన్నారు.
