ముసాయిదా ఓటర్ల జాబితా విడుదల..వివరాలు ఎలా సరిచూసుకోవాలి?

భారత్ డిజిటల్ న్యూస్ వరంగల్..ముసాయిదా ఓటర్ల జాబితా విడుదల..వివరాలు ఎలా సరిచూసుకోవాలి?

Telangana Draft Voters List: తెలంగాణ రాష్ట్రంలో ప్రత్యేకాంశాల ఆధారిత ఓటర్ల జాబితా సవరణ (SIR-2026) ప్రక్రియలో భాగంగా ఎన్నికల అధికారులు కీలక అడుగు వేశారు.
రాష్ట్రవ్యాప్తంగా నూతన ముసాయిదా ఓటర్ల జాబితాను (Draft Electoral Roll) అధికారులు అధికారికంగా విడుదల చేశారు. ఓటర్లు ఓటరు జాబితాలో తమ పేర్లు, వివరాలు సరిగ్గా ఉన్నాయో లేదో సరిచూసుకునేందుకు అధికారులు గడువును నిర్ణయించారు. రాష్ట్రంలోని అర్హులైన ఓటర్లు తమ వివరాలను సెప్టెంబర్ 16వ తేదీ వరకు సరిచూసుకోవడానికి మరియు అవసరమైన మార్పులు, చేర్పులు చేసుకోవడానికి అవకాశం కల్పించారు.

Telangana Draft Voters List: కొత్త ఓటరు నమోదు, మార్పుల కోసం ఫారమ్‌ల వివరాలు & ఆన్‌లైన్ సేవలు

కొత్త ఓటరు నమోదు (ఫారమ్ 6): 18 ఏళ్లు నిండిన వారు లేదా కొత్తగా ఓటరు కార్డు పొందాలనుకునే వారు ఫారమ్-6 (Form 6) ద్వారా దరఖాస్తు చేసుకోవాలి.
పేర్ల తొలగింపు & అభ్యంతరాలు (ఫారమ్ 7): జాబితాలో ఏవైనా తప్పుడు పేర్లు ఉన్నా లేదా అభ్యంతరాలు తెలపాలన్నా ఫారమ్-7 (Form 7) ఉపయోగించాలి.
వివరాల సవరణ & చిరునామా మార్పు (ఫారమ్ 8): పేరు, వయస్సు, ఫోటో, తప్పుల దిద్దుబాటు మరియు చిరునామా మార్పుల కోసం ఫారమ్-8 (Form 8) దాఖలు చేయాల్సి ఉంటుంది.
ఆన్‌లైన్ సర్వీసులు: ఆన్‌లైన్ ద్వారా ఓటరు జాబితాలో పేరు చెక్ చేసుకోవడానికి, దరఖాస్తు చేసుకోవడానికి భారత ఎన్నికల సంఘం (ECI) వెబ్‌సైట్ voters.eci.gov.in లేదా ECINET మొబైల్ యాప్‌ను వినియోగించుకోవచ్చు.