భారత్ డిజిటల్ న్యూస్ విశాఖపట్నం..డీఎస్సీ–2026 ద్వారా 2,721 ఉపాధ్యాయ పోస్టుల భర్తీకి షార్ట్ నోటిఫికేషన్ విడుదల
అమరావతి, అక్టోబర్ 13: ఆంధ్రప్రదేశ్‌లో డీఎస్సీ–2026 (APTRT–2026) ద్వారా 2,721 ఉపాధ్యాయ పోస్టుల భర్తీకి ప్రభుత్వం అనుమతించింది. ఈ మేరకు పాఠశాల విద్యాశాఖ అక్టోబర్ 13, 2026న ఉత్తర్వులు జారీ చేయగా, పాఠశాల విద్యాశాఖ డైరెక్టర్ అదే రోజు షార్ట్ నోటిఫికేషన్‌ను అధికారిక వెబ్‌సైట్‌లో విడుదల చేశారు.
పోస్టుల వివరాలు:
- ప్రభుత్వ, జెడ్పీ, ఎంపీపీ, మున్సిపల్ పాఠశాలలు: 2,111 పోస్టులు
- స్కూల్ అసిస్టెంట్లు (SA) – 906
- సెకండరీ గ్రేడ్ టీచర్లు (SGT) – 1,205
- ప్రత్యేక విద్య (Special Education): 350 పోస్టులు
- స్కూల్ అసిస్టెంట్లు (SA-SE) – 150
- సెకండరీ గ్రేడ్ టీచర్లు (SGT-SE) – 200
- సొసైటీలు, ఇతర యాజమాన్యాలు: 260 పోస్టులు
- ప్రిన్సిపాళ్లు – 30
- పోస్ట్ గ్రాడ్యుయేట్ టీచర్లు (PGT) – 81
- ట్రైన్డ్ గ్రాడ్యుయేట్ టీచర్లు (TGT) – 113
- ఫిజికల్ డైరెక్టర్లు (PD) – 2
- ఫిజికల్ ఎడ్యుకేషన్ టీచర్లు (PET) – 34
నవంబర్ 3లోగా పూర్తి నోటిఫికేషన్
పోస్టుల వారీగా ఖాళీల వివరాలు, విద్యా మరియు వృత్తిపరమైన అర్హతలు, వయోపరిమితి, అర్హత ప్రమాణాలు, ముఖ్యమైన తేదీలు, ఇతర మార్గదర్శకాలతో కూడిన పూర్తి నోటిఫికేషన్‌ను నవంబర్ 3, 2026లోగా అధికారిక వెబ్‌సైట్‌లో విడుదల చేయనున్నారు.
అభ్యర్థులు ఆన్‌లైన్‌లో మాత్రమే దరఖాస్తు చేసుకోవాలి. పరీక్ష ఆబ్జెక్టివ్ విధానంలో కంప్యూటర్ ఆధారిత పరీక్ష (CBT) రూపంలో నిర్వహించనున్నారు. పరీక్ష తేదీలను పూర్తి నోటిఫికేషన్‌లో వెల్లడిస్తారు. పరీక్ష సిలబస్ ఇప్పటికే అధికారిక వెబ్‌సైట్‌లో అందుబాటులో ఉంది.
జిల్లాల వారీగా, సొసైటీల వారీగా ఖాళీల వివరాలను అనుబంధాల రూపంలో ప్రకటించారు. ప్రస్తుతం వెల్లడించిన ఖాళీలు తాత్కాలికమైనవని, రోస్టర్‌తో సహా తుది ఖాళీల వివరాలను పూర్తి నోటిఫికేషన్‌లో ప్రకటిస్తామని పాఠశాల విద్యాశాఖ స్పష్టం చేసింది.
పూర్తి వివరాల కోసం అభ్యర్థులు tet2dsc.apcfss.in వెబ్‌సైట్‌ను సందర్శించాలి.
– పాఠశాల విద్యాశాఖ, ఆంధ్రప్రదేశ్ ప్రభుత్వం
#DSCNotification #AndhraPradesh
