భారత్ డిజిటల్ న్యూస్ గుంటూరు…..మచిలీపట్నం మేయర్ పీఠం టీడీపీ కైవసం
32,657 ఓట్ల భారీ మెజారిటీతో అబ్దుల్ అబీదా ఘన విజయం
మచిలీపట్నం:
కృష్ణా జిల్లా మచిలీపట్నం నగరపాలక సంస్థ మేయర్ పీఠాన్ని తెలుగుదేశం పార్టీ కైవసం చేసుకుంది. టీడీపీ మేయర్ అభ్యర్థిగా బరిలో నిలిచిన అబ్దుల్ అబీదా 32,657 ఓట్ల భారీ మెజారిటీతో ఘన విజయం సాధించారు. ఎన్నికల ఫలితాల్లో ప్రత్యర్థులపై స్పష్టమైన ఆధిక్యం ప్రదర్శిస్తూ మేయర్‌గా ఎన్నికయ్యారు.
ఓట్ల లెక్కింపు ప్రక్రియ పూర్తయిన అనంతరం ఎన్నికల అధికారి అబ్దుల్ అబీదాకు ఎన్నికల విజయ ధ్రువీకరణ పత్రాన్ని (విజయ సర్టిఫికెట్) అందజేసి అభినందనలు తెలిపారు. ఈ విజయంతో టీడీపీ శ్రేణుల్లో, కూటమి నాయకులు, కార్యకర్తల్లో హర్షాతిరేకాలు వ్యక్తమయ్యాయి.
మచిలీపట్నం నగర రాజకీయాల్లో ఈ విజయం కీలక పరిణామంగా నిలిచింది. భారీ మెజారిటీతో మేయర్ పీఠాన్ని దక్కించుకోవడం టీడీపీ శ్రేణుల్లో నూతన ఉత్సాహాన్ని నింపింది. అబ్దుల్ అబీదాకు పలువురు నాయకులు, కార్యకర్తలు అభినందనలు తెలియజేశారు.
